هذه القصيدة ترحيبيه بشيوخ واعيان قبيلة حرب وهم الشيخ نايف بن راجح والشيخ ابن مطلق والشيخ ابن غادن وغيرهم في ضيافة رفاعي بن حسين الهرس احد اعيان قبيلة المراشدة من عتيبة في يوم الخميس الموافق 11 / 2 / 1428هـ وقد تطرق فيها الشاعرسعدون بن فهد بن عقاب الهرس ثلاث من معجزات قبيلة حرب
ونو ٍ نثر فـوق الخمايـل مـاه
يامرحبا ياحرب حرابـة الـدول
ياهل الشجاعه والكـرم والجـاه
تشهد لكم كل القبايل بطيبكـم
طيب ٍ على طيب ٍ يفوح شـذاه
ثلاث ماخبرفالعرب صارمثلهـن
كـار ٍ لحـرب وصيتهايـزهـاه
ياكثرناس ٍودهـا تصعـد العـلا
ولاكل مـن هازالطويـل رقـاه
لكن حرب لياطـرت معجزاتهـا
كل ٍ عدل سيلـه علـى منحـاه
فعل ٍ لابن ناحل ينومـس قبيلتـه
ماغيـره احـد ٍ فالمـلا سـواه
عوّد بلياكسب من ديـرة العـدا
ويوم احتذاه المستحـذي احـذاه
من حر ماله قال ابشرك بالعطـا
والفضـل للـي مايـرد عطـاه
وغداه للضيفان من شمخ الـذراء
ومنهن ولوشح الزمـان عشـاه
ونويشي اللي وفيـات خصايلـه
لومـه تعـدا الفرقديـن نقـاه
ذبح بني عمـه ورمـل حريمهـم
نقا بوجهـه والبيـاض غشـاه
اللي ذبحهم في خويه علـى النقـا
ستـه وسابعهـم قطـع يمنـاه
والمجد لدخيل البلالـي وسيرتـه
مجد ٍ على الساس العـزاز بنـاه
عنف على حكام حايـل بحيلتـه
وخـوي جنبـه بالحيـاة فـداه
ارخص بروحه وافتدى ورع جارته
خويـه اللـي ماشـي ٍ ممشـاه
هذا وانا مانيب نـاس ٍ قبيلتـي
الـلــي تعزالجاروتـحـمـاه
ذباحة الحايـل ولطامـة العـدى
بيـوم ٍعبـوس ٍ تركبـه قبـواه
ربعي عتيبة مثـل ماقيـل بالمثـل
كم شامخ ٍ عالـي تهـد حجـاه
والله يحييكم على الرحب والسعه
فالمنـزل اللـي بيـن ٍ مبـنـاه
ينصونه الضيفـان والجاريدهلـه
وراعيـه زيـن ٍ للجميـع نبـاه
ميزة رفاعـي ثابتـه ماتغيـرت
مايلحقـون الحاقديـن مــداه
ابو نجريعرف على الغيض والرضا
حازالمـراجـل والوقـارحـواه
للهرس مقدار ٍ مع الناس ماختفـا
عسـى ردييـن العـزوم افـداه
ليست هناك تعليقات:
إرسال تعليق